"Bank Respublika"nın xalis mənfəəti 23,71 faiz artıb

“Bank Respublika” 2026-cı ilin ikinci rübünü 34,51 milyon manat xalis mənfəətlə başa vurub.

Valyuta.az xəbər verir ki, bu göstərici 2025-ci ilin ikinci rübündə qeydə alınmış 27,90 milyon manat xalis mənfəətlə müqayisədə 23,71 faiz və ya 6,61 milyon manat çoxdur.

Bankın açıqladığı maliyyə hesabatına əsasən, faiz gəlirləri 2025-ci ilin ikinci rübündəki 138,84 milyon manatdan 2026-cı ilin eyni dövründə 159,20 milyon manata yüksəlib. Beləliklə, faiz gəlirləri 14,67 faiz və ya 20,37 milyon manat artıb.

Faiz gəlirlərinin əsas hissəsini müştərilərə verilmiş kreditlər üzrə əldə olunan 139,80 milyon manatlıq gəlir təşkil edib.

Hesabat dövründə faiz xərcləri 2025-ci ilin ikinci rübündəki 57,24 milyon manatdan 63,42 milyon manata yüksəlib. Bu göstərici 10,79 faiz və ya 6,18 milyon manat artıb.

Artımın əsas səbəbi cəlb edilmiş kreditlər üzrə faiz xərclərinin 27,70 milyon manatdan 36,45 milyon manata yüksəlməsi olub.

Qeyri-faiz gəlirləri də artıb. Bu göstərici 2025-ci ilin ikinci rübündəki 18,02 milyon manatdan 21,28 milyon manata yüksələrək 18,09 faiz və ya 3,26 milyon manat artıb.

Eyni zamanda, qeyri-faiz xərcləri 63,75 milyon manatdan 70,97 milyon manata yüksəlib.

2026-cı ilin ikinci rübünün sonuna “Bank Respublika”nın aktivləri 2 milyard 716,9 milyon manat təşkil edib. Bu, 2025-ci ilin eyni dövründə qeydə alınmış 2 milyard 658,4 milyon manat göstəricisi ilə müqayisədə 2,20 faiz və ya 58,54 milyon manat çoxdur.

Hesabat dövrünün sonunda bankın öhdəlikləri 2 milyard 447,4 milyon manat olub. Bu göstərici 2025-ci ilin ikinci rübündəki 2 milyard 444 milyon manatla müqayisədə 0,14 faiz və ya 3,41 milyon manat artıb.

Mayya Hüseynova