"Unibank"ın mənfəəti artıb, faiz xərcləri isə 29,8% yüksəlib

"Unibank" 2026-cı ilin ikinci rübünü 17,2 milyon manat xalis mənfəətlə başa vurub. Bank ötən ilin eyni dövründə 6,9 milyon manat xalis mənfəət əldə etmişdi.

Valyuta.az xəbər verir ki, xalis mənfəət illik müqayisədə 10,3 milyon manat artıb.

Hesabat dövründə bankın faiz gəlirləri ötən ilin ikinci rübündəki 119,3 milyon manatdan 143,3 milyon manata yüksələrək 23,9 milyon manat və ya 20,1% artıb.

Eyni zamanda, faiz xərcləri 47,1 milyon manatdan 61,1 milyon manata çatıb. Beləliklə, faiz xərcləri illik müqayisədə 14 milyon manat və ya 29,8% artıb.

Faiz xərclərinin artımı əsasən depozitlər üzrə ödənilən faizlərin 35,9 milyon manatdan 43,2 milyon manata, cəlb edilmiş kreditlər üzrə faiz xərclərinin 8,7 milyon manatdan 13,3 milyon manata çatması ilə əlaqədar olub. 

Bankın qeyri-faiz gəlirləri 2,9 milyon manat və ya 22% artıb. Beləliklə, ötən ilin ikinci rübündəki 58,5 milyon manatdan 71,3 milyon manata yüksəlib.

Qeyri-faiz xərcləri isə 102,6 milyon manatdan 121,1 milyon manata yüksəlib.

2026-cı ilin ikinci rübünün sonuna "Unibank"ın aktivləri 2 milyard 311,4 milyon manat təşkil edib. Ötən ilin eyni dövründə bu göstərici 1 milyard 812,3 milyon manat olub. Beləliklə, bankın aktivləri 499,1 milyon manat və ya 27,5% artıb.

Bankın öhdəlikləri isə ötən ilin ikinci rübündəki 1 milyard 638,6 milyon manatdan 2 milyard 97 milyon manata yüksəlib. Nəticədə öhdəliklər illik müqayisədə 458,4 milyon manat və ya 28% artıb.

Mayya Hüseynova