"ABB"nin faiz gəlirləri artıb, faiz xərcləri 220 milyon manata yaxınlaşıb

“ABB” 2026-cı ilin ikinci rübünü 250,56 milyon manat xalis mənfəətlə başa vurub.

Valyuta.az xəbər verir ki, bu göstərici 2025-ci ilin ikinci rübündə qeydə alınmış 155,47 milyon manatla müqayisədə 95,08 milyon manat və ya 61,16 faiz artıb.

Hesabata əsasən, bankın faiz gəlirləri 2026-cı ilin ikinci rübündə 613,23 milyon manat təşkil edib. Bu göstərici 2025-ci ilin müvafiq dövründə 531,72 milyon manat olub. Beləliklə, faiz gəlirləri illik müqayisədə 81,51 milyon manat və ya 15,33 faiz artıb.

Artım əsasən müştərilərə verilmiş kreditlər üzrə faiz gəlirlərinin yüksəlməsi hesabına baş verib. Belə ki, bu gəlirlər 2025-ci ilin ikinci rübündə 423,39 milyon manat olduğu halda, 2026-cı ilin ikinci rübündə 499,11 milyon manata çatıb.

Faiz xərcləri isə 2026-cı ilin ikinci rübündə 219,72 milyon manata yüksəlib. Ötən ilin eyni dövründə bu göstərici 181,83 milyon manat təşkil edib. Nəticədə faiz xərcləri 37,89 milyon manat və ya 20,84 faiz artıb.

Faiz xərclərinin əsas hissəsini bankın müştəri hesabları üzrə faiz xərcləri təşkil edib. Bu istiqamətdə xərclər 138,99 milyon manatdan 177,69 milyon manata yüksəlib.

Qeyri-faiz gəlirləri hesabat dövründə 290,14 milyon manat olub. 2025-ci ilin ikinci rübündə bu göstərici 198,95 milyon manat təşkil edib. Beləliklə, qeyri-faiz gəlirləri 91,19 milyon manat və ya 45,84 faiz artıb.

Eyni zamanda, qeyri-faiz xərcləri 2026-cı ilin ikinci rübündə 316,79 milyon manat təşkil edib. Müqayisə dövründə bu göstərici 284,34 milyon manat olub. Nəticədə qeyri-faiz xərcləri 32,45 milyon manat və ya 11,42 faiz artıb.

2026-cı ilin ikinci rübünün sonuna “ABB”nin aktivləri 15,30 milyard manata çatıb. Bu göstərici 2025-ci ilin ikinci rübünün sonunda 14,05 milyard manat olub. Beləliklə, bankın aktivləri 1,25 milyard manat (düzəliş edildi) və ya 8,95 faiz artıb.

Bankın öhdəlikləri isə 2026-cı ilin ikinci rübünün sonuna 13,07 milyard manat təşkil edib. 2025-ci ilin müvafiq dövrünün sonunda bu göstərici 12,04 milyard manat olub.

Mayya Hüseynova