"AccessBank" mənfəət artımı açıqlayıb, faiz xərcləri 19% yüksəlib

"AccessBank" 2026-cı ilin ikinci rübü üzrə maliyyə hesabatını açıqlayıb.

Valyuta.az xəbər verir ki, bankın dövr üzrə xalis mənfəəti ötən ilin müvafiq dövrü ilə müqayisədə 34,18% və ya 7 milyon 157 min manat artaraq 28 milyon 97 min manat olub.

2025-ci ilin eyni dövründə bu göstərici 20 milyon 940 min manat təşkil edib.

Bankın faiz gəlirləri 121 milyon 337 min manatdan 141 milyon 290 min manata yüksələrək 16,45% və ya 19 milyon 953 min manat artıb.

Faiz xərcləri isə 47 milyon 343 min manatdan 56 milyon 352 min manata çataraq 19,03% və ya 9 milyon 9 min manat artıb. Faiz xərclərinin əsas hissəsini depozitlər üzrə faiz xərcləri təşkil edib. Bu istiqamətdə xərclər 42 milyon 490 min manat olub.

Eyni zamanda, qeyri-faiz gəlirləri 8 milyon 37 min manatdan 8 milyon 558 min manata yüksələrək 6,48% və ya 521 min manat, qeyri-faiz xərcləri isə 47 milyon 792 min manatdan 52 milyon 175 min manata qalxaraq 9,17% və ya 4 milyon 383 min manat artıb.

2026-cı il iyunun 30-na bankın aktivləri ötən ilin eyni tarixi ilə müqayisədə 1 milyard 601 milyon 917 min manatdan 1 milyard 785 milyon 111 min manata yüksəlib. Öhdəlikləri isə 1 milyard 399 milyon 82 min manatdan 1 milyard 523 milyon 740 min manata çatıb.

Mayya Hüseynova