"Expressbank"ın faiz gəlirləri artsa da, qeyri-faiz gəlirləri 9,2 milyon manata enib

"Expressbank" 2026-cı ilin ikinci rübünü mənfəət artımı ilə başa vurub. Bankın xalis mənfəəti ötən ilin eyni dövrü ilə müqayisədə 72,12% və ya 3,100 milyon manat artaraq 2025-ci ilin ikinci rübündəki 4,298 milyon manatdan 2026-cı ilin ikinci rübündə 7,397 milyon manata yüksəlib.

Valyuta.az xəbər verir ki, bankın faiz gəlirləri 2025-ci ilin ikinci rübündə 39,630 milyon manat olduğu halda, 2026-cı ilin ikinci rübündə 45,872 milyon manata çatıb.

Beləliklə, göstərici illik müqayisədə 15,75% və ya 6,242 milyon manat artıb.

Faiz xərcləri isə 2025-ci ilin ikinci rübündə 13,486 milyon manat olduğu halda, 2026-cı ilin ikinci rübündə 16,949 milyon manat təşkil edib. Bu, illik müqayisədə 25,67% və ya 3,462 milyon manat artım deməkdir.

Faiz xərclərindəki artımın əsas hissəsi depozitlər üzrə ödənilən faizlərin hesabına formalaşıb. Belə ki, depozitlər üzrə faiz xərcləri 9,069 milyon manatdan 12,874 milyon manata yüksələrək 41,96% və ya 3,805 milyon manat artıb.

Hesabat dövründə qeyri-faiz gəlirləri 9,271 milyon manatdan 9,178 milyon manata enərək 1,01% və ya 93 min manat azalıb. Qeyri-faiz xərcləri isə 24,830 milyon manatdan 25,319 milyon manata yüksələrək 1,97% və ya 489 min manat artıb.

"Expressbank"ın 2025-ci ilin ikinci rübünün sonunda 13 milyon 093 min manat olan vaxtı keçmiş kreditlər 2026-cı ilin ikinci rübünün sonunda 23 milyon 085 min manata yüksəlib. Bu isə illik müqayisədə 9 milyon 992 min manat və ya 76,31% artım deməkdir.  

2026-cı ilin ikinci rübünün sonuna vaxtı keçmiş kreditlərin 8 milyon 506 min manatı  istehlak kreditlərinin, 13 milyon 810 min manatı biznes kreditlərinin, 769 min manatı isə daşınmaz əmlak kreditlərinin payına düşüb.

Mayya Hüseynova