Agentlik kosmetika şirkətinin işi ilə bağlı qərar verdi

"Purc Pure Cosmetics Company Azerbaijan" MMC barəsində əmtəə nişanından qanunsuz istifadə ilə bağlı rəqabət qanunvericiliyinin pozulması hallarının araşdırılması başa çatıb.

Valyuta.az xəbər verir ki, araşdırma Azərbaycan Respublikası Rəqabət Məcəlləsinin 22.1.3-cü maddəsinin tələblərinin pozulması əlamətləri əsasında aparılıb.

Antiinhisar və İstehlak Bazarına Nəzarət Dövlət Agentliyinin məlumatına görə, araşdırma yekunlaşana qədər şirkət tərəfindən rəqabət qanunvericiliyinin pozulması könüllü şəkildə aradan qaldırılıb.

Bununla əlaqədar olaraq, araşdırmaya xitam verilməsi barədə qərar qəbul edilib.

Sərvanə Rəmixanova