"Azərişıq" 6,4 milyon manatlıq tender elan edib

"Azərişıq" ASC yeni iri həcmli tender elan edib.

Valyuta.az xəbər verir ki, tender Xocavənd rayonunun Edilli, Düdükçü, Tuğ, Azıx və Zoğalbulaq yaşayış məntəqələrinin xarici və daxili elektrik şəbəkəsinin 35 və 0,4 kV-luq ÖİN şəbəkəsi ilə tam yenidən qurularaq elektrik enerjisi ilə təmin edilməsini əhatə edir.

Tenderin ehtimal olunan dəyəri 6 milyon 385 min 419,74 manat təşkil edir.

Satınalma üzrə təkliflərin qəbulunun 12 avqust tarixində başa çatdırılması gözlənilir.

Qeyd edək ki, "Azərişıq" ASC-nin avqust ayında elan müddəti başa çatacaq daha 8 tenderi də var. Həmin tenderlərin ümumi ehtimal olunan dəyəri 56 milyon 792 min 830 manat təşkil edir.