Ölkədə dövriyyədə olan nağd pullar 2,7 mlrd. manat artıb

2026-cı il mayın 31-nə Azərbaycanda pul bazası 24 milyard 105,6 milyon manat təşkil edib.

Valyuta.az xəbər verir ki, bu göstərici ötən ilin eyni dövrü ilə müqayisədə 3 milyard 475,9 milyon manat və ya 16,85% artıb.

2025-ci il mayın 31-nə pul bazasının həcmi 20 milyard 629,7 milyon manat olub.

Hesabat dövründə dövriyyədə olan nağd pulların həcmi də artım nümayiş etdirib. Belə ki, 2026-cı il mayın 31-nə bu göstərici 20 milyard 369,5 milyon manat təşkil edib. Bu, 2025-ci ilin eyni tarixi ilə müqayisədə 2 milyard 723,6 milyon manat və ya 15,43% çoxdur.

Qeyd edək ki, 2025-ci il mayın 31-nə dövriyyədə olan nağd pulların həcmi 17 milyard 645,9 milyon manat olub.

Mayya Hüseynova