"Microsoft" 4 800 əməkdaşını işdən çıxarır

"Microsoft" qlobal işçi qüvvəsinin təxminən 2,1%-nə bərabər olan 4 800 əməkdaşını ixtisar edir.

Valyuta.az xəbər verir ki, ixtisarlar əsasən "Xbox" və kommersiya satışları bölmələrini əhatə edir. Təkcə "Xbox"da 1 600 nəfər işini itirib. Şirkət 2027-ci maliyyə ilinin sonunadək "Xbox" bölməsində əlavə 3 200 iş yerini də ixtisar etməyi planlaşdırır.

"Microsoft" bildirib ki, ixtisarlar birbaşa süni intellektin əməkdaşları əvəz etməsi ilə bağlı deyil. Bununla yanaşı, şirkət AI texnologiyalarının iş proseslərini dəyişdirdiyini və yeni bacarıqlara ehtiyacı artırdığını vurğulayıb.

Şirkət eyni zamanda korporativ süni intellekt həllərinə yönəlmiş "Frontier Company" bölməsi üçün 2,5 milyard dollar investisiya yatırır.

Sərvanə Rəmixanova