Tibb müəssisələrinin ehtiyatları üçün 12,4 milyon manatlıq dərman alınacaq

"İnnovasiya və Təchizat Mərkəzi" publik hüquqi şəxsi tibb müəssisələrinin ehtiyatlarının təmin edilməsi məqsədilə dərman vasitələrinin satın alınması üzrə elan etdiyi tenderi yekunlaşdırıb.

Valyuta.az xəbər verir ki, tenderin qalibi "Zeytun Pharmaceuticals" MMC seçilib.

Qalib şirkətlə 12 milyon 360 min 201,81 manat məbləğində satınalma müqaviləsinin bağlanması nəzərdə tutulur.

Tender üzrə sifarişçinin müəyyən etdiyi ehtimal olunan qiymət 39 milyon 602 min 7,46 manat təşkil edib. Beləliklə, qalib təklif ehtimal olunan qiymətdən 27 milyon 241 min 805,65 manat və ya təxminən 68,8% aşağı olub.

Qeyd edək ki, "Zeytun Pharmaceuticals" MMC-nin nizamnamə kapitalı 4 000 manat, qanuni təmsilçisi isə Bəhruz Şirəliyev Əvəz oğludur.

Sərvanə Rəmixanova