"Kapital Bank"ın müştərilərə verdiyi kreditlərin həcmi 6 milyard manata yaxınlaşıb

30 iyun 2026-cı il tarixinə "Kapital Bank"ın müştərilərə verdiyi kreditlərin həcmi 5 mlrd. 953,9 mln. manat təşkil edib.

Valyuta.az xəbər verir ki, bu, 30 iyun 2025-ci il tarixinə olan 5 mlrd. 371,8 mln. manat göstəricisi ilə müqayisədə 582,1 mln. manat və ya 10,8% çoxdur.

Bankın istehlak kreditləri portfeli bir il əvvəlki 3 mlrd. 48,9 mln. manatdan 3 mlrd. 323,2 mln. manata yüksəlib. Beləliklə, bu istiqamətdə kreditlər 274,3 mln. manat və ya 9,0% artıb.

Biznes kreditləri isə 2025-ci ilin 30 iyun tarixinə qeydə alınmış 1 mlrd. 720,3 mln. manatdan 2 mlrd. 44,6 mln. manata çatıb. İllik müqayisədə 324,3 mln. manat və ya 18,9% artım deməkdir.

Bununla yanaşı, daşınmaz əmlak kreditləri portfeli 602,6 mln. manatdan 586,1 mln. manata enib. Nəticədə, bu kateqoriya üzrə kreditlər 16,5 mln. manat və ya 2,7% azalıb.

Mayya Hüseynova