Azərbaycanda qanunvericiliyi pozan məşhur şirkətlər- ADLAR

Antiinhisar və İstehlak Bazarına Nəzarət Dövlət Agentliyi 2025-ci il üzrə haqsız rəqabət hərəkətləri ilə bağlı apardığı araşdırmalar çərçivəsində bir sıra şirkətlər barəsində rəqabət qanunvericiliyinin pozulması əlamətləri üzrə işlər qaldırıb.

Valyuta.az xəbər verir ki, bu işlərin bir qismi artıq yekunlaşdırılıb, bəziləri üzrə isə araşdırmalar davam edir. Araşdırmalara cəlb olunan şirkətlər arasında bazarda tanınmış adlar da yer alır.

İşə baxılması yekunlaşan şirkətlər:

Baku Electronics MMC - YOSHIRO əmtəə nişanlı televizorların satışı ilə əlaqədar rəqabət qanunvericiliyinin pozulması əlamətləri üzrə işə baxılması yekunlaşıb.

ABC-Telecom MMC (Kontakt Home)- HOFFMANN əmtəə nişanlı yağla işləyən elektrik qızdırıcılarının satışı ilə bağlı aparılan araşdırma tamamlanıb.

Master Milk MMC və Atena MMC - süd məhsullarının istehsalı və satışı zamanı rəqabət qanunvericiliyinin pozulması əlamətləri üzrə işlər yekunlaşdırılıb.

Araşdırmaları davam edən şirkətlər:

Baku Central Hospital MMC - əmtəə nişanından istifadə ilə bağlı rəqabət qanunvericiliyinin pozulması əlamətləri üzrə işə baxılması hazırda davam edir.

Neomotors MMC - minik avtomobillərinin satışı zamanı bağlanılan müqavilə şərtlərində rəqabət qanunvericiliyinin pozulması əlamətləri üzrə iş icraatdadır.

Sərvanə Rəmixanova