“ABB İnvest"in dövriyyəsi 4,7 mlrd. manat artıb

"ABB Invest İnvestisiya Şirkəti"nin 2026-cı ilin yanvar-iyun aylarında dövriyyəsi 22 milyard 475 milyon 959 min 298 manat təşkil edib.

Valyuta.az xəbər verir ki, bu göstərici ötən ilin eyni dövründə qeydə alınan 17 milyard 774 milyon 309 min 726 manatla müqayisədə 4 milyard 701 milyon 649 min 572 manat və ya 26,45% artıb.

Eyni zamanda, şirkətin həyata keçirdiyi əməliyyatların sayı da yüksəlib. Belə ki, 2026-cı ilin yanvar-iyun aylarında ABB Invest tərəfindən 15 min 647 əməliyyat icra olunub. Bu, 2025-ci ilin müvafiq dövründə qeydə alınan 13 min 956 əməliyyatla müqayisədə 1 691 əməliyyat və ya 12,10% çoxdur.

Mayya Hüseynova