Çinin süni intellekt şirkətinə maraq o qədər artdı ki, yeni abunəliklər dayandırıldı

Valyuta.az xəbər verir ki, Çinin Moonshot süni intellekt şirkəti tərəfindən hazırlanan “Kimi K3” süni intellekt modelinə böyük maraq səbəbindən yeni ödənişli abunəliklərin qəbulu müvəqqəti dayandırılıb.

Kimi K3 mətn yazmaq, proqramlaşdırma, məlumat təhlili və mürəkkəb məntiqi tapşırıqları yerinə yetirmək üçün hazırlanmış yeni nəsil süni intellekt modelidir.

Şirkətin məlumatına görə, istifadəyə verildikdən sonra istifadəçi axını gözləniləndən xeyli yüksək olub və mövcud hesablama gücü bu tələbatı qarşılaya bilməyib.

Moonshot AI bildirib ki, əlavə server resursları istifadəyə verildikdən sonra yeni abunəliklərin qəbulu yenidən bərpa ediləcək. Kimi K3 son günlər performansına görə ChatGPT və digər aparıcı süni intellekt modellərinin rəqiblərindən biri kimi qiymətləndirilir.