Avtomobil şirkəti 3 000 manata işçi axtarır

"NBK Motors" MMC Çin dili üzrə mütəxəssis vəzifəsinə işçi qəbulu üzrə vakansiya elan edib.

Valyuta.az xəbər verir ki, vakansiya üzrə əsas vəzifələrə Çinli rəhbərlərlə gündəlik ünsiyyətin təmin edilməsi, görüşlərin, danışıqların və müqavilələrin şifahi və yazılı tərcüməsinin həyata keçirilməsi, rəhbərliyə tərcümə və kommunikasiya sahəsində dəstəyin göstərilməsi, həmçinin zərurət yarandıqda xarici ezamiyyətlərdə iştirak daxildir.

Namizədlərdən HSK 5 sertifikatına malik olmaları, Çin dilini yüksək səviyyədə bilmələri, şifahi və yazılı tərcümə bacarıqlarına sahib olmaları, məsuliyyətli, operativ və ünsiyyətcil olmaları tələb olunur.

İş qrafiki bazar ertəsindən cüməyədək saat 10:00-dan 18:00-dək, şənbə günü isə saat 10:00-dan 14:00-dək müəyyən edilib.

Vakansiya üzrə əmək haqqı 3 000 AZN (sabit maaş) və bonus təşkil edir.

CV-lər nbkmotors.az vasitəsilə qəbul edilir. Əlavə məlumat üçün 010 265 44 53 nömrəsi ilə əlaqə saxlamaq mümkündür.

Qeyd edək ki, "NBK Motors" MMC Azərbaycanda fəaliyyət göstərən və əsasən Çin istehsalı avtomobillərin satışı ilə məşğul olan şirkətdir.

Mayya Hüseynova