"Unicapital"ın dövriyyəsi yüksəldi, əməliyyat aktivliyi zəiflədi

"Unicapital İnvestisiya Şirkəti" ASC-nin bu ilin yanvar-iyun ayları üzrə investisiya dövriyyəsi ötən ilin eyni dövrü ilə müqayisədə artıb.

Valyuta.az xəbər verir ki, şirkətin dövriyyəsi 2026-cı ilin ilk altı ayında 4 milyard 493 milyon 49 min 580 manat təşkil edib. Bu göstərici 2025-ci ilin eyni dövründə qeydə alınan 1 milyard 186 milyon 966 min 155 manatla müqayisədə 3 milyard 306 milyon 83 min 425 manat və ya 3,8 dəfə (278,5%) çoxdur.

Bununla yanaşı, hesabat dövründə əməliyyatların sayı azalıb. Belə ki, 2026-cı ilin yanvar-iyun aylarında şirkət 3 292 əməliyyat həyata keçirib. Ötən ilin eyni dövründə bu göstərici 4 359 olub.

Nəticədə əməliyyatların sayı illik müqayisədə 1 067 əməliyyat və ya 24,5% azalıb.

Sərvanə Rəmixanova