Nəqliyyat vasitələri endirilmiş qiymətlə hərraca çıxarılır - QİYMƏTLƏR

12 avqust tarixində dövlət mülkiyyətinə keçirilmiş iki nəqliyyat vasitəsi keçiriləcək gömrük hərracında satışa çıxarılacaq.

Valyut.az xəbər verir ki, hərraca çıxarılan nəqliyyat vasitələri "MAN" və "Lincoln Aviator" markalıdır. 

"MAN" markalı yük nəqliyyat vasitəsinin start qiyməti 9 min manat müəyyən edilib. Hərracda iştirak etmək istəyən şəxslər 450 manat beh və 45 manat iştirak haqqı ödəməlidirlər. 

"Lincoln Aviator" markalı nəqliyyat vasitəsinin start qiyməti isə 2 700 manatdır. Beh məbləği 135 manat, iştirak haqqı isə 13,50 manat təşkil edir.

Elana əsasən, hərracda iştirak etmək istəyən şəxslər məlumatın dərc olunduğu gündən etibarən əmlakın start qiymətinin 5 faizi həcmində beh və 0,5 faizi həcmində iştirak haqqını ödəyərək sifariş verə bilərlər. Bu şəxslərə satışa çıxarılan əmlaklarla əvvəlcədən tanış olmaq imkanı yaradılır.

Satışa çıxarılan nəqliyyat vasitələri "Azərterminalkompleks" Birliyinin "Qırmızı Körpü" gömrük postunun dayanacağında yerləşir.

Qeyd edək ki, siyahıda yer alan hər iki nəqliyyat vasitəsi üçüncü dəfə təkrar hərraca çıxarılır. Bu dəfə əmlakların start qiyməti əvvəlki hərracla müqayisədə 10% aşağı salınıb.

Mayya Hüseynova