"MFX Trading İnvestisiya Şirkəti" səhm əməliyyatı aparmayıb

"MFX Trading İnvestisiya Şirkəti"nin 2026-cı ilin yanvar-iyun ayları üzrə maliyyə göstəriciləri ötən ilin eyni dövrü ilə müqayisədə azalıb.

Valyuta.az xəbər verir ki, şirkətin dövriyyəsi cari ilin ilk altı ayında 36 milyon 731 min 818 manat təşkil edib.

Bu göstərici 2025-ci ilin müvafiq dövründə qeydə alınmış 120 milyon 329 min 744 manatla müqayisədə 83 milyon 597 min 926 manat və ya 69,48% azdır.

Hesabat dövründə şirkətin dövriyyəsinin 20,4 milyon manatı repo əməliyyatlarının, 16,4 milyon manatı Azərbaycan Mərkəzi Bankının notları ilə aparılan əməliyyatların, 170 min manatı isə korporativ istiqrazlarla bağlanan əməliyyatların payına düşüb. Səhm və dövlət istiqrazları üzrə isə əməliyyat qeydə alınmayıb.

2026-cı ilin yanvar-iyun aylarında MFX Trading İnvestisiya Şirkəti tərəfindən 33 əməliyyat həyata keçirilib. Bu, ötən ilin eyni dövründə qeydə alınmış 38 əməliyyatla müqayisədə 5 əməliyyat və ya 13,16% azdır.

Mayya Hüseynova