"PAŞA Bank"da yeni TƏYİNAT

“PAŞA Bank” ASC-nin marketinq komandasında yeni təyinat baş tutub.

Valyuta.az xəbər verir ki, Alican Arkun bankın Marketinq Kommunikasiyaları rəhbəri (Head of Marketing Communications) vəzifəsinə təyin edilib. 

A.Arkun bu vəzifəsinə qədər, İnnovasiya və Rəqəmsal İnkişaf Agentliyində Rəqəmsal Marketinq şöbəsinin rəhbəri vəzifəsində çalışıb. O, 2023-2024-cü illərdə "Azərbaycan Hava Yolları" (AZAL) QSC-də , 2020-2022-ci illərdə isə "Kapital Bank" ASC-də Rəqəmsal Marketinq şöbəsinin rəhbəri vəzifəsində çalışıb.

Bununla yanaşı, Arkun "Trilogy.News" platformasının təsisçisidir.

Qeyd edək ki, A.Arkun ali təhsilini 2005-2010-cu illərdə İstanbul Bilgi Universitetində "Performing Arts Management" ixtisası üzrə alıb. Daha sonra 2010-2012-ci illərdə Marmara Universitetində reklam ixtisası üzrə magistr təhsili alıb.

Sərvanə Rəmixanova