Sabitkoin bazarı iki ayda 10 milyard dollar kiçilib

Kriptovalyuta bazarında may ayının ortalarından etibarən başlayan eniş sabitkoin (stablecoin) bazarına da təsir edib. 

Valyuta.az xəbər verir ki, son iki ayda bazarın həcmi 10 milyard dollar azalıb.

Bu azalma ümumi bazarın cəmi 3%-ni təşkil edir. Müqayisə üçün, 2022-ci ildə "Terra LUNA" böhranı zamanı bu göstərici 26% olub.

Ən böyük azalma USDT və USDC sabitkoinlərində qeydə alınıb. USDT-nin bazar dəyəri 190 milyard dollardan 184 milyard dollara, USDC-nin bazar dəyəri isə 80 milyard dollardan 73 milyard dollara düşüb.

"Wincent" şirkətinin nümayəndəsi Pol Hovard isə bildirib ki, qısamüddətli likvidlik dəyişiklikləri normaldır və sabitkoinlərin uzunmüddətli inkişaf perspektivi dəyişmir.

"Sabitkoinlər kriptoekosistemdə mühüm rol oynamağa davam edəcək. Panikaya ehtiyac yoxdur", - deyə o vurğulayıb.

Sərvanə Rəmixanova