ABŞ şirkətində çalışmış azərbaycanlıya "Xalq Sığorta"da vəzifə verildi

"Xalq Sığorta"da yeni kadr təyinatı olub.

Valyuta.az xəbər verir ki, Yeganə İbadlı şirkətin Marketinq şöbəsinin rəhbəri vəzifəsinə təyin edilib.

Y.İbadlı bundan əvvəl "Bytelecom" şirkətində Marketinq şöbəsinin rəhbəri, "Auto Azerbaijan" və "AirGroup" şirkətlərində isə Baş marketinq mütəxəssisi vəzifələrində çalışıb. 

Bununla yanaşı, o, ABŞ-də fəaliyyət göstərən "Etsy" platformasında Elektron ticarət məhsulları üzrə menecer, "Americano Crystals" şirkətində isə Marketinq meneceri vəzifələrində işləyib. 

Qeyd edək ki, o, Türkiyənin Adnan Menderes Universitetində Biznesin İdarəedilməsi (MBA) üzrə magistr təhsili alıb. Bundan əvvəl isə o, Azərbaycan Milli Elmlər Akademiyasında magistr, Bakı Dövlət Universitetində isə SABAH qruplarında bakalavr təhsili alıb.

Sərvanə Rəmixanova