Tramp Ağ Evdə kriptovalyuta qanun layihəsini müzakirə edəcək

ABŞ Prezidenti Donald Tramp bu gün Ağ Evdə bir qrup senatorla kriptovalyuta bazarını tənzimləməyi nəzərdə tutan Clarity qanun layihəsini müzakirə edəcək.

Valyuta.az xəbər verir ki, görüşdə qanun layihəsinin Senatdan keçməsi üçün atılacaq addımlar müzakirə olunacaq.

Layihənin qəbuluna mane olan əsas məsələ yüksək vəzifəli dövlət rəsmilərinin kriptovalyuta sektorundakı kommersiya fəaliyyətlərini məhdudlaşdıran etik müddəalardır. Demokrat senatorlar prezident və digər yüksək vəzifəli şəxslərin kriptovalyuta şirkətləri ilə maraq toqquşmasına yol verməməsini tələb edirlər.

Clarity qanun layihəsi ABŞ-da kriptovalyuta bazarının tənzimlənməsi, SEC və CFTC arasında səlahiyyət bölgüsünün dəqiqləşdirilməsi, həmçinin investorların müdafiəsinin gücləndirilməsini nəzərdə tutur.