"Google"da işləmiş azərbaycanlıya xarici şirkətdə vəzifə verildi

İrlandiyanın Dublin şəhərində fəaliyyət göstərən "AfeaGroup" şirkətinin Reklam Departamentinin rəhbəri vəzifəsinə təyinat olub.

Valyuta.az xəbər verir ki, bu vəzifə Samir Məmmədova həvalə edilib. 

Bu təyinata qədər o, "Sinteks" Şirkətlər Qrupunda Rəqəmsal Marketinq bölməsinin rəhbəri vəzifəsində çalışıb.

Müxtəlif vaxtlarda isə "Google"da Məhsul mükəmməlliyi mərkəzində (Product CoE), Polşanın "Majorel Polska" şirkətində onlayn reklam üzrə müştəri dəstəyi mütəxəssisi, iş axını rəhbəri, baş onlayn reklam üzrə müştəri dəstəyi mütəxəssisi və iş axını rəhbəri vəzifələrini icra edib.

S.Məmmədov Bakı Dövlət Universitetində Dünya iqtisadiyyatı ixtisası üzrə bakalavr, "Vrotslav" Universitetində isə Menecerial İqtisadiyyat ixtisası üzrə magistr təhsili alıb.

O, ingilis, polyak və rus dillərini bilir.

Mayya Hüseynova