"Bitwise" 570 milyon dollarlıq fondunu yenilədi

Kriptovalyuta investisiya şirkəti" Bitwise" əsas indeksi olan "Bitwise 10 Crypto Index ETF" (BITW)-də dəyişiklik edib.

Valyuta.az xəbər verir ki, şirkət "Hyperliquid" (HYPE) və "Stellar" (XLM) tokenlərini fondun portfelinə daxil edib, "Polkadot" (DOT) və "Avalanche" (AVAX) isə portfeldən çıxarılıb.

"Bitwise" bildirib ki, "HYPE" fonda 0,93% payla daxil olub və idarəetməsi altında 570 milyon dollarlıq aktiv olan fondun beşinci ən böyük mövqeyinə çevrilib.

Şirkətin bu qərarı "Hyperliquid" platformasının ilin ilk yarısında göstərdiyi güclü nəticələrlə əlaqələndirilir. Platforma bu dövrdə 1,34 trilyon dollar həcmində əməliyyat həyata keçirib, təxminən 320 milyon dollar gəlir əldə edib. HYPE tokeni isə ilin əvvəlindən bu yana 165% bahalaşıb.

"Bitwise" qeyd edib ki, "DOT" və "AVAX"ın indeksdən çıxarılması bu aktivlərdən tamamilə imtina edilməsi demək deyil. Şirkət "Avalanche" üzrə spot "ETF"ni idarə etməyə davam edir, "Bitwise Europe" isə Almaniyanın "Deutsche Börse Xetra" birjasında listinqdə olan "Polkadot ETP" məhsulunu portfelində saxlayır.

Sərvanə Rəmixanova