Oyun startapı "Bold Games" 6 milyon dollar investisiya cəlb edib

Türkiyədə fəaliyyət göstərən mobil oyun şirkəti "Bold Games" investisiya turunda 6 milyon dollar maliyyə cəlb edib.

Valyuta.az xəbər verir ki, şirkət cəlb olunan vəsaiti komandasını genişləndirmək və ilk mobil oyunu olan "Market Match"i qlobal bazarda inkişaf etdirmək üçün istifadə edəcəyini açıqlayıb.

"Bold Games" Ulaş Mergen, Atakan Tuğlu, Candaş Demirel və Barış İncesu tərəfindən təsis edilib. Təsisçi heyəti daha əvvəl "Bigger Games", "Dream Games", "Agave Games", "ZeptoLab" və "Rollic" kimi tanınmış mobil oyun studiyalarında çalışıb.

Şirkət əsasən gündəlik (casual) mobil oyunların hazırlanması ilə məşğuldur və uzunmüddətli istifadəçi marağı yaradan oyunlar hazırlamağı hədəfləyir. "Bold Games"in ilk oyunu olan "Market Match" çeşidləmə tapmacası (sort puzzle) janrında hazırlanıb.