Əmək qabiliyyətinin sığortası üzrə ödənişlər 78,6% geriləyib

2026-cı ilin yanvar–may aylarında əmək qabiliyyətinin sığortası üzrə 1 milyon 217 min manat sığorta haqqı toplanıb.

Valyuta.az xəbər verir ki, bu göstərici ötən ilin eyni dövrü ilə müqayisədə 441 min manat və ya 26,6% azdır.

Belə ki, 2025-ci ilin yanvar–may aylarında bu sığorta növü üzrə 1 milyon 658 min manat sığorta haqqı toplanmışdı.

Sığorta ödənişlərində də ciddi azalma qeydə alınıb.

Cari ilin ilk beş ayında əmək qabiliyyətinin sığortası üzrə 44 min manat ödəniş həyata keçirilib. Bu isə ötən ilin eyni dövrü ilə müqayisədə 162 min manat və ya 78,6% azalma deməkdir.

Müqayisə üçün qeyd edək ki, 2025-ci ilin yanvar–may aylarında əmək qabiliyyətinin sığortası üzrə 206 min manat sığorta ödənişi həyata keçirilmişdi.

Tənzilə Ağabalayeva