“SOCAR”ın törəmə şirkətinin ixrac gəlirləri 4,2 mln. dollar artıb

“SOCAR Polymer” MMC 2026-cı ilin yanvar-may aylarında ixracdan 110,8 milyon ABŞ dolları gəlir əldə edib.

Valyuta.az xəbər verir ki, şirkətin ixrac gəlirləri ötən ilin eyni dövrü ilə müqayisədə 4,2 milyon ABŞ dolları və ya 3,94% artıb.

Belə ki, 2025-ci ilin yanvar-may aylarında “SOCAR Polymer”in ixrac gəlirləri 106,6 milyon ABŞ dolları təşkil edib.

Bununla yanaşı, İqtisadi İslahatların Təhlili və Kommunikasiya Mərkəzinin “İxrac icmalı”nın iyun buraxılışına əsasən, “SOCAR CAPE” MMC 2026-cı ilin yanvar-may aylarında ixracdan 430 min ABŞ dolları gəlir əldə edib.

2025-ci ilin eyni dövründə isə şirkət üzrə hər hansı ixrac gəliri qeydə alınmayıb. 

Mayya Hüseynova