"Azərişıq" 13,2 milyon manatlıq müqavilə imzalayıb

"Azərişıq" ASC Naxçıvan Muxtar Respublikasının bir sıra yaşayış məntəqələrində həyata keçiriləcək layihə çərçivəsində satınalma üzrə müqavilə bağlayıb.

Valyuta.az xəbər verir ki, bağlanmış müqaviləyə əsasən, satınalmanın qalibi "Meqaplus" firması olub.

Müqavilə Naxçıvan şəhərinin Qaraçuq qəsəbəsi, Babək rayonunun Nəzərabad-Dividar, Ordubad rayonunun Dəstə, Şahbuz rayonunun Kükü, eləcə də Kəngərli rayonunun Təzəkənd-Xıncab kəndləri üzrə komplektin satın alınmasını əhatə edir.

Tərəflər arasında imzalanmış müqavilənin dəyəri 13 160 099,75 manat təşkil edir.

Mayya Hüseynova