“İpək Yolu Sığorta” topladığı hər 100 manatın cəmi 20 qəpiyini ödəniş edib

“İpək Yolu Sığorta” ASC-nin sığorta haqları cari ilin ilk 5 ayında 1 milyon 464 min manat təşkil edib.

Valyuta.az xəbər verir ki, şirkətin sığorta yığımları ötən ilin eyni dövrü ilə müqayisədə 251 min manat və ya 20,69% artıb. Belə ki, 2025-ci ilin yanvar-may aylarında şirkətin sığorta haqları 1 milyon 213 min manat olub.

Hesabat dövründə sığorta ödənişləri isə illik müqayisədə 9 min manat və ya 75% azalaraq 3 min manata enib. Ötən ilin eyni dövründə şirkət 12 min manat sığorta ödənişi həyata keçirmişdi.

Nəticədə, “İpək Yolu Sığorta” cari ilin ilk 5 ayında topladığı hər 100 manat sığorta haqqının cəmi 20 qəpiyini ödənişlərə yönəldib. Ötən ilin eyni dövründə isə bu göstərici 99 qəpik təşkil edib.