Xaricə səfər sığortası üzrə yığımlar 75%-dən çox artıb

Cari ilin yanvar-may aylarında xaricə səfər edən vətəndaşların sığortası üzrə yığımlar artıb.

Valyuta.az xəbər verir ki, hesabat dövründə bu sığorta növü üzrə yığımlar 1 milyon 379 min manat və ya 75,56% artaraq 1 milyon 825 min manatdan 3 milyon 204 min manata yüksəlib.

Eyni zamanda, sığorta ödənişləri də artım göstərib. Belə ki, ödənişlər ötən ilin eyni dövrü ilə müqayisədə 322 min manat və ya 181,92% artaraq 177 min manatdan 499 min manata çatıb.

Cari ilin ilk beş ayında xaricə səfər edən vətəndaşların sığortası üzrə toplanan hər 100 manat sığorta haqqının 15,57 manatı ödənişlərə yönəldilib. Müqayisə üçün qeyd edək ki, 2025-ci ilin yanvar-may aylarında bu göstərici 9,70 manat təşkil edib.

Sərvanə Rəmixanova