Texnologiyada qadınların inkişafına həsr olunan “TechSHEroes” IV tədbiri keçiriləcək!

Texnologiya sahəsində qadınların rolunu və inkişafını dəstəkləmək məqsədilə təşkil olunan “TechSHEroes” IV tədbiri bu il Matrix Academy-nin təşkilatçılığı, Girls Code platformasının ev sahibliyi və Techzone-un media tərəfdaşlığı ilə 14 iyul tarixində Azərbaycan İnnovasiya Mərkəzində baş tutacaq.

Artıq dördüncü dəfə keçirilən tədbir qadınların texnologiya və innovasiya sahələrində inkişafına, yeni bilik və təcrübə qazanmasına, eləcə də peşəkar əlaqələr qurmasına dəstək olmağı hədəfləyir.

Tədbir çərçivəsində texnologiyada qadınların rolu mövzusunda panel müzakirələri keçiriləcək. Sahənin tanınmış mütəxəssisləri və texnologiya liderləri öz təcrübələrini, uğur hekayələrini və baxışlarını iştirakçılarla bölüşəcəklər.

Tədbirin diqqətçəkən hissələrindən biri isə həssas qruplardan olan yeniyetmə qız və qadınların hazırladıqları rəqəmsal layihə və portfolio təqdimatları olacaq.

TechSHEroes təşəbbüsü qadınların rəqəmsal bacarıqlarının inkişafına, texnologiya sahəsində iştirakının artırılmasına və gender bərabərliyinin təşviqinə töhfə verməyə davam edir.
📅 Tarix: 14 iyul
🕚 Saat: 11:00 – 14:00
📍 Məkan: Azərbaycan İnnovasiya Mərkəzi

🔗 Tədbirdə iştirak üçün qeydiyyat:
https://forms.gle/jfcDxMQJTiG6xTnUA
🌐 Ətraflı məlumat üçün:
https://girlscode.az/