Peter Brandt: "Bitcoin" oktyabrın əvvəlində dib qiymətini görə bilər"

Tanınmış kriptoanalitik Peter Brandt hesab edir ki, "Bitcoin" hələ də eniş mərhələsini tamamlamayıb və o əsas dib nöqtəsini oktyabrın əvvəlində, hətta 4 oktyabrda formalaşdıra bilər.

Valyuta.az xəbər verir ki, Brandt "Cointelegraph"a  bildirib ki, yaxın müddətdə "Bitcoin" cari səviyyələrdən təxminən 10 min dollar bahalaşa bilər. Lakin onun fikrincə, bu yüksəliş uzunmüddətli olmayacaq və bundan sonra qiymət yenidən enəcək.

Analitik "Bitcoin"in 50 min dolların, hətta 48-49 min dollar səviyyəsinin altına düşə biləcəyini istisna etməyib. Bununla belə, o, dəqiq qiymət proqnozu verməyin çətin olduğunu vurğulayıb.

Brandt qeyd edib ki, əvvəlki böyük ayı bazarlarında "Bitcoin" adətən 80% və ya daha çox dəyər itirib. Buna görə də 40 min dollar diapazonunun yuxarı hissəsini tarixi baxımdan məntiqli səviyyə hesab edir.

Onun sözlərinə görə, bazarın əsl dib nöqtəsi adətən investorların ümidini tam itirdiyi vaxt formalaşır. Hazırda isə bazarda belə bir əhval-ruhiyyənin müşahidə olunmadığını və investorların ümumilikdə neytral mövqedə qaldığını bildirib.

Sərvanə Rəmixanova