2026-cı ilin ən yaxşı 20 oyunu açıqlandı - SİYAHI

"Metacritic" platforması 2026-cı ilin ilk altı ayının yekunlarına əsasən ilin ən yüksək qiymətləndirilən 20 oyununun siyahısını dərc edib. 

Demokrat.az xəbər verir ki, reytinqə yalnız bu il buraxılmış yeni oyunlar daxil edilib. Həmçinin hər bir oyunun siyahıya düşməsi üçün ən azı yeddi peşəkar resenziyaya malik olması şərt kimi müəyyənləşdirilib.

Hazırda ilin ən yüksək qiymətləndirilən oyunu 100 mümkün baldan 90 bal toplayan "Forza Horizon 6" hesab olunur. Tənqidçilərin fikrincə, bu, açıq dünya janrında hazırlanmış ən uğurlu yarış oyunlarından biridir. Bildirilir ki, tərtibatçılar xəritəni daha geniş etməklə yanaşı, onu daha müxtəlif və zəngin məzmunlu etməyə nail olublar.

İkinci və üçüncü yerləri də hər biri 90 bal toplayan "Schrödinger's Call" və "Mina the Hollower" tutub. Lakin bu oyunlar barədə dərc olunmuş peşəkar resenziyaların sayı daha azdır. Hər iki layihə indie oyun kateqoriyasına aiddir və "Steam" platformasında 500 Ukrayna qrivnasından aşağı qiymətə satılır.

Ümumilikdə, 2026-cı ilin əvvəlindən bəri 87 və daha yüksək bal toplamış 10 oyun təqdim olunub. Bununla belə, "LEGO Batman: Legacy of the Dark Knight", "MIO: Memories in Orbit" və "MOUSE: P.I. For Hire" kimi yeni oyunlar 84 baldan aşağı qiymətləndirildikləri üçün reytinqə daxil edilməyiblər.

2026-cı ilin ilk yarısının ən yaxşı 20 oyunu

1. "Forza Horizon 6" — 90 bal
2. "Schrödinger's Call" — 90 bal
3. "Mina the Hollower" — 90 bal
4. "Pokémon Pokopia" — 89 bal
5. "Resident Evil Requiem" — 89 bal
6. "Mewgenics" — 88 bal
7. "007 First Light" — 87 bal
8. "Saros" — 87 bal
9. "Hermit and Pig" — 87 bal
10. "Titanium Court" — 87 bal
11. "Nioh 3" — 86 bal
12. "OPUS: Prism Peak" — 86 bal
13. "Mixtape" — 86 bal
14. "Monster Hunter Stories 3: Twisted Reflection" — 86 bal
15. "Cairn" — 86 bal
16. "Timberborn" — 85 bal
17. "Esoteric Ebb" — 85 bal
18. "Pragmata" — 85 bal
19. "Wax Heads" — 85 bal
20. "Phonopolis" — 84 bal

Paşa Məmmədli