"Yapı Kredi Bank"ın faiz gəlirləri artıb, xalis mənfəəti isə 1,9% azalıb

"Yapı Kredi Bank"ın 2026-cı il iyunun 30-na olan maliyyə hesabatına əsasən, bankın dövr üzrə xalis mənfəəti ötən ilin eyni dövrü ilə müqayisədə 92,28 min manat və ya 1,9% azalaraq 4 milyon 789,13 min manat təşkil edib.

Valyuta.az xəbər verir ki, 2025-ci ilin müvafiq dövründə bank 4 milyon 881,41 min manat xalis mənfəət əldə etmişdi.

Hesabat dövründə bankın faiz gəlirləri 40,2% artaraq 23 milyon 149,35 min manatdan 32 milyon 453,18 min manata yüksəlib. Bununla yanaşı, faiz xərcləri daha çox artım nümayiş etdirərək 7,2 milyon manat artımla 4 milyon 474,43 min manatdan 11 milyon 664,77 min manata çatıb.

Qeyri-faiz gəlirləri də artım göstərib. Bu göstərici illik müqayisədə 7,4% artaraq 13 milyon 580,07 min manatdan 14 milyon 590,02 min manata yüksəlib. Eyni zamanda, qeyri-faiz xərcləri 7,2% artaraq 24 milyon 006,60 min manatdan 25 milyon 733,35 min manata çatıb.

Hesabat dövründə bankın cəmi aktivlər ötən ilin eyni dövrü ilə müqayisədə 47,1% artaraq 870 milyon 731,72 min manata, cəmi öhdəlikləri 55,8% artaraq 740 milyon 761,82 min manata yüksəlib.

Müvaqfiq olaraq cəmi aktivlər ötən ilin eyni dövründə 591 milyon 908,39 min manat, cəmi öhdəliklər 475 milyon 394,44 min manat olub. 

Mayya Hüseynova