Sığorta şirkətləri qəza yerinə niyə getmir? - Ekspert izah etdi

Bir çox vətəndaş sığorta hadisəsi baş verdikdən sonra şirkət nümayəndəsinin hadisə yerinə gəlməsini gözləyir. Lakin sığorta sektorunda tətbiq olunan mövcud yanaşma bunun hər zaman zəruri olmadığını göstərir.

Valyuta.az-a müsahibəsində Azərbaycan Sığortaçılar Assosiasiyası İctimai Birliyinin icraçı direktorunun müavini Turanə Axundova bildirib ki, bir çox müştəri hesab edir ki, sığorta hadisəsi baş verən kimi şirkət nümayəndəsi hadisə yerinə gəlməlidir: "Lakin dünya təcrübəsində bu yanaşma artıq geniş tətbiq edilmir. Yol-nəqliyyat hadisəsi zamanı Dövlət Yol Polisi hadisəni rəsmiləşdirərək protokol tərtib edirsə, bu sənəd sığorta şirkəti üçün əsas hüquqi baza hesab olunur. Bu halda sığorta şirkətinin ayrıca hadisə yerinə gəlməsi əlavə vaxt itkisinə səbəb olur”. 

T.Axundovanın sözlərinə görə, müasir sığorta təcrübəsində əsas məqsəd zərərin operativ şəkildə qiymətləndirilməsi və ödəniş prosesinin sürətləndirilməsidir: "Bu səbəbdən bir çox hallarda hadisə ilə bağlı rəsmi sənədlər və təqdim olunan materiallar sığorta hadisəsinin araşdırılması üçün kifayət edir".

DAHA ƏTRAFLI BURADA:

“İnsanlar düşünür ki, hadisə baş verən kimi sığorta şirkəti ödəniş etməlidir” - Müsahibə