“Cərimələnən şəxs hazırda əməkdaşımız deyil” - “K Group”dan açıqlama - YENİLƏNİB

Mərkəzi Bankın “K Group” MMC-nin vəzifəli şəxsinin cərimələnməsi ilə bağlı xəbərə şirkətdən açıqlama verilib.

“K Group” MMC (BakıKart) İctimaiyyətlə əlaqələr üzrə mütəxəssisi Aynur Kərimli Valyuta.az açıqlamasında qeyd edib ki, xəbərdə qeyd olunan məsələ cari dövrə aid deyil və “K Group” MMC-nin əvvəlki fəaliyyət dövrü ilə bağlıdır.

Onun sözlərinə görə, həmin məsələ üzrə inzibati tədbir artıq tətbiq olunub.

“Həmçinin, sözügedən vəzifəli şəxs hazırda şirkətin əməkdaşı deyil”, - deyə Aynur Kərimli əlavə edib.

…

17:18

Azərbaycan Respublikasının Mərkəzi Bankı tərəfindən “K Group” MMC-də keçirilmiş yerində yoxlama zamanı qanunvericiliyin tələblərinin pozulması faktları aşkarlanıb.

Valyuta.az xəvər verir ki, 2 iyun-3 iyul 2025-ci il tarixlərini əhatə edən yoxlama çərçivəsində cinayət yolu ilə əldə edilmiş əmlakın leqallaşdırılmasına və terrorçuluğun maliyyələşdirilməsinə qarşı mübarizə sahəsində qanunvericiliyin bir sıra tələblərinin pozulduğu müəyyən edilib.

Aşkarlanmış pozuntularla əlaqədar olaraq, “K Group” MMC-nin vəzifəli şəxsi Azərbaycan Respublikasının İnzibati Xətalar Məcəlləsinin 598.1.1 və 598.1.2-ci maddələrinə əsasən 4 min manat məbləğində cərimə olunub.

Mayya Hüseynova