Azərbaycanda sosial media lideri bir ayda dəyişdi

2026-cı ilin may ayında Azərbaycanda sosial media platformaları arasında ən böyük bazar payı 32,57% göstərici ilə "YouTube"a məxsus olub.

Valyuta.az xəbər verir ki, platforma aprel ayı ilə müqayisədə payını 5,3 faiz bəndi artıraraq liderliyə yüksəlib.

May ayında "Facebook"un bazar payı 20,84% təşkil edib. Bu göstərici aprel ayı ilə müqayisədə 7,99 faiz bəndi azdır. Beləliklə, "Facebook" liderliyi "YouTube"a təhvil verərək ikinci pilləyə geriləyib.

"Instagram"ın bazar payı 18,58%-ə çatıb ki, bu da aprel ayı ilə müqayisədə 0,31 faiz bəndi çoxdur. "X" (Twitter) platformasının payı 8,50%-ə, "LinkedIn"in payı isə 6,15%-ə yüksəlib.

Eyni zamanda "Pinterest"in bazar payı 10,44%-dən 8,08%-ə enərək 2,36 faiz bəndi azalıb. "LinkedIn" isə 2,5 faiz bəndi artımla ən sürətli yüksələn platformalardan biri olub.

Sərvanə Rəmixanova