App Store üzərindən satışlar 1,4 trilyon dolları keçib

2025-ci ildə "Apple"ın "App Store" platformasında tərtibatçılar 1,4 trilyon dollardan çox satış və hesablaşma əməliyyatı həyata keçiriblər.

Valyuta.az xəbər verir ki, bu göstərici ötən illə müqayisədə 7,7% çoxdur. Ümumi məbləğin 1,1 trilyon dolları fiziki mal və xidmətlərin, 149 milyard dolları isə rəqəmsal məhsulların satışının payına düşüb.

"Apple"ın məlumatına görə, 2025-ci ildə "App Store"da ən populyar 100 tətbiqdən 40-ı süni intellekt funksiyalarına malik olub. Bu tətbiqlər digər tətbiqlərlə müqayisədə satış və hesablaşma həcmlərində 4 dəfə daha sürətli artım nümayiş etdirib.

Hazırda "App Store" 175 ölkə və regionda həftəlik 850 milyondan çox istifadəçiyə xidmət göstərir.

Sərvanə Rəmixanova