"Qafqaz-Kredit" BOKT-un aktivləri və kredit portfeli azalıb

"Qafqaz-Kredit" MMC bank olmayan kredit təşkilatı (BOKT) 2025-ci ili 26,266 min manat zərərlə başa vurub.

Valyuta.az xəbər verir ki, BOKT-un vergidən əvvəlki mənfəəti 28,457 min manat təşkil edib.

2025-ci ilin sonuna təşkilatın cəmi aktivləri 1 milyon 144,048 min manat olub.

Bu göstərici 2024-cü ildə 1 milyon 192,779 min manat təşkil edib. Beləliklə, aktivlər illik müqayisədə 48,731 min manat və ya 4,1% azalıb.

BOKT-un müştərilərə verdiyi kreditlərin həcmi də azalma nümayiş etdirib.

Belə ki, 2025-ci ildə kredit portfeli 1 milyon 028,964 min manat olub. Bu göstərici 2024-cü ildə 1 milyon 101,219 min manat təşkil edib.

Nəticədə kredit portfeli 72,255 min manat və ya 6,6% azalıb.

Təşkilatın cəmi öhdəlikləri isə 2025-ci ildə 16,022 min manat olub.

2024-cü ildə bu göstərici 36,425 min manat təşkil edib. Beləliklə, öhdəliklər bir il ərzində 20,403 min manat və ya 56% azalıb.

Tənzilə Ağabalayeva