Məzuniyyətə çıxan işçiyə görə əlavə ödəniş ala bilərsiniz - Qanun nə deyir?

Azərbaycanda əmək məzuniyyəti üçün işçi müəssisədə əvvəlki iş ili daxil olmaqla 6 ay işləməlidir, lakin tərəflərin razılığı ilə bu müddət gözlənilmədən də istifadə oluna bilər.

Bəs məzuniyyətə çıxan işçini əvəz edən şəxs əlavə ödəniş ala bilərmi?

Valyuta.az "Oxu.az"a istinadən xəbər verir ki, Əmək Məcəlləsinin müvafiq maddəsinə əsasən, özünün əmək funksiyasını yerinə yetirməklə yanaşı, müəyyən səbəbdən müvəqqəti işə çıxmayan işçini əvəz edən işçiyə, əvəz edilən işçinin tarif (vəzifə) maaşı ilə onun maaşı arasındakı fərq ödənilir.

Əvəz edilən işçinin tarif (vəzifə) maaşı əvəz edən işçinin maaşı ilə eyni və ya ondan az olduqda isə əməkhaqqına əlavə müəyyən edilib verilir. Bu əlavə işçinin və işəgötürənin qarşılıqlı razılığı ilə müəyyən edilir.