Əhaliyə göstərilən ödənişli xidmətlərin dəyəri 2 milyard manatı ötüb

2026-cı ilin yanvar-fevral aylarında əhaliyə göstərilən ödənişli xidmətlərin ümumi dəyəri 2 534,2 milyon manat təşkil edib. 

Valyuta.az xəbər verir ki, bu göstərici 2025-ci ilin eyni dövrü ilə müqayisədə real ifadədə 8,9% artım deməkdir.

2026-cı ilin yanvar-fevral aylarında adambaşına düşən ödənişli xidmətlərin dəyəri orta hesabla 246,9 manat təşkil edib. Bu, 2025-ci ilin müvafiq dövrü ilə müqayisədə nominal ifadədə 31,6 manat çoxdur.

Müqayisə üçün qeyd edək ki, 2025-ci ilin yanvar-fevral aylarında əhaliyə göstərilən ödənişli xidmətlərin dəyəri 2 202,4 milyon manat olub. Həmin ilin ilk iki ayında adambaşına düşən ödənişli xidmətlərin dəyəri isə 215,3 manat təşkil edib.

Mayya Hüseynova