Böyük hədəflərlə təqdim olunan altkoinin arxasındakı şirkət kripto birjasını bağlayır

Böyük hədəflərlə təqdim olunan altcoinin arxasındakı şirkət kripto birjasını bağlayır

Valyuta.az xəbər verir ki, analiz və məlumat platforması "Arkham Intelligence" spot və törəmə kripto birja layihələrini bağlamaq qərarı verib. 

Beləliklə, bir vaxtlar böyük gözləntilər yaradılan "ARKM" tokenlə bağlı genişlənmə planları uğursuz nəticələnib.

Şirkət birja fəaliyyətində gözlədiyi nəticəni əldə edə bilməyib. Buna səbəb ticarət həcmlərinin aşağı qalmasını əsas kimi göstərilir. "Binance" və "Coinbase" kimi iri platformalar milyardlarla dollarlıq gündəlik dövriyyə əldə etdiyi halda, "Arkham"ın gündəlik həcmi 600 min dollar civarında qalıb.

2024-cü ildə aktiv marketinq addımları atan və mobil birja tətbiqini istifadəyə verən şirkət buna baxmayaraq bazarda mövqeyini gücləndirə bilməyib.

"Arkham" investorları arasında Sam Altman və Draper Ventures kimi tanınmış adlar da yer alır. Şirkətin "ARKM" tokeni isə bir vaxtlar 3 dolları keçsə də, hazırda təxminən 0,1 dollar səviyyəsində ticarət olunur.

Sərvanə Rəmixanova