Azərbaycanlıların "Instagram" marağı azalır: bazar payı 5,59 faiz bəndi geriləyib

2026-cı ilin may ayında Azərbaycanda sosial media platformaları arasında ən böyük pay 32,57% göstərici ilə "YouTube"un olub.

Hesabat dövründə Facebook sosial media bazarının 20,84%-nə sahib olub. Instagram isə 18,58% payla üçüncü yerdə qərarlaşıb.

Məlumata görə, "Twitter" (X)-in payı 8,5%, "Pinterest"in payı 8,08%, "LinkedIn"in payı isə 6,15% təşkil edib.

Ötən ilin eyni dövrü ilə müqayisədə "Facebook" və "LinkedIn" bazar payını artırıb. Belə ki, "Facebook"un payı 15,09%-dən 20,84%-ə yüksəlib. "LinkedIn" isə 1,96%-dən 6,15%-ə çatıb.

Bununla yanaşı, "YouTube"un bazar payı 37,09%-dən 32,57%-ə, "Instagram"ın payı 24,17%-dən 18,58%-ə, "Pinterest"in payı isə 10,9%-dən 8,08%-ə geriləyib.

"Twitter" (X)-in bazar payı da artım nümayiş etdirərək 7,33%-dən 8,5%-ə yüksəlib.

Sərvanə Rəmixanova