"Assist Finance"ın dövriyyəsi açıqlanıb

"Assist Finance İnvestisiya Şirkəti" ASC-nin dövriyyəsi artıb.

Valyuta.az xəbər verir ki, 2026-cı ilin II rübünün yekununa investisiya şirkətinin dövriyyəsi 2 milyard 891 milyon 962 min 775 manata çatıb. Bu göstərici ötən ilin eyni dövründə 2 milyard 134 milyon 899 min 798 manat olub.

Beləliklə, şirkətin dövriyyəsi illik müqayisədə 757 milyon 62 min 977 manat və ya 35,5% artıb.

Eyni zamanda, investisiya şirkətində həyata keçirilən əməliyyatların sayı da yüksəlib. Belə ki, hesabat dövründə həyata keçirilən əməliyyatların sayı ötən ilin eyni dövründəki 1 148-dən 1 170-ə çatıb. Bu isə illik müqayisədə 22 əməliyyat və ya 1,9% artım deməkdir.