Gənc startapçılar üçün Mark Zukerberqin uğura aparan 10 prinsipi

Dünyanın ən gənc milyarderlərindən birinə çevrilən Mark Zukerberq (Mark Zuckerberg) gənc startapçılar üçün ilham mənbəyidir. Onun sıfırdan başlayaraq milyardlarla dollar dəyərində biznes qurması bir çox gəncdə bu uğuru təkrarlamaq istəyi yaradıb.

Lakin Zukerberqin uğurunun arxasında təkcə istedad deyil, uğur qazanmamışdan əvvəl mənimsədiyi həyat və biznes prinsipləri dayanır. Məhz bu prinsiplər onu zirvəyə aparıb.

1. Böyük arzu qurun

Mark Zukerberq uğuru bir gecədə qazanmayıb. O, əvvəlcə qarşısına böyük məqsəd qoyub və bu arzunu reallığa çevirmək üçün yorulmadan çalışıb. Məqsədinə çatmaq üçün bir çox fədakarlıqlar edib.

2. Ambisiyalı olun

“Facebook” hələ kiçik layihə olarkən onu almaq üçün müxtəlif təkliflər olub. Lakin Zukerberq qısamüddətli qazancı deyil, dünyada dəyişiklik yaratmağı seçib. O, platformanın bütün dünyada istifadə olunmasını hədəfləyib.

Gənc sahibkarlar da böyük düşünməyi öyrənməlidirlər.

3. Kiçik addımlarla başlayın

“Facebook” ilk vaxtlarda yalnız Harvard Universitetinin tələbələri üçün nəzərdə tutulmuşdu. Maliyyə imkanları məhdud olduğu üçün layihə mərhələli şəkildə inkişaf etdirilib.

Hər uğurlu biznes kiçik addımlarla başlayır və düzgün planlaşdırma sayəsində böyük şirkətə çevrilə bilər.

4. Özünüzə inanın

Yeni biznes qurarkən öz bacarıqlarınıza inanmaq vacibdir. Mark Zukerberq “Facebook”u hazırlayarkən özünə şübhə etməyib. Məhz bu inam onun uğurunun əsas səbəblərindən biri olub.

5. Sevdiyiniz işin ardınca gedin

Zukerberq kompüter proqramlaşdırmasına böyük həvəs göstərib. Bu həvəsi qorumaq üçün hətta universitet təhsilini yarımçıq qoyaraq bütün diqqətini layihəsinə yönəldib.

İnsan yalnız sevdiyi sahədə böyük uğur qazana bilər.

6. Tənqidə açıq olun

Hər uğurlu sahibkar kimi, Mark Zukerberq də çoxsaylı tənqidlərlə qarşılaşıb. Lakin o, bunlardan ruhdan düşmək əvəzinə nəticə çıxarıb və tənqidləri inkişaf vasitəsinə çevirib.

7. Zəhmətdən çəkinməyin

Uğurun ən vacib şərtlərindən biri çox çalışmaqdır. “Facebook”un qurulması üçün Zukerberq uzun saatlar fasiləsiz işləyib və əzmkarlığı sayəsində məqsədinə çatıb.

8. Böyük rəqiblərdən qorxmayın

“Facebook” yarananda internet bazarında “Google” kimi nəhəng şirkətlər üstün mövqedə idi. Buna baxmayaraq, Zukerberq geri çəkilməyib, risk edib və məqsədinə doğru irəliləyib.

9. Risk etməkdən çəkinməyin

“Facebook”u inkişaf etdirmək üçün Mark Zukerberq universiteti tərk edib və bütün gücünü biznesinə yönəldib. O zaman layihənin gələcəkdə belə böyük uğur qazanacağını bilmirdi.

Sahibkarlıqda uğur qazanmaq üçün hesablanmış risklərə hazır olmaq vacibdir.

10. Prosesə sadiq qalın

Mark Zukerberq hesab edirdi ki, hər mərhələ tam başa çatdırılmadan növbəti mərhələyə keçmək olmaz. O, “Facebook”un hər hissəsini addım-addım təkmilləşdirərək həm qısamüddətli, həm də uzunmüddətli hədəflərinə nail olub.

Tənzilə Ağabalayeva