"Apple" bu ölkədə "iPhone 17"ni kəskin bahalaşdırdı

"Apple" Yaponiyada "iPhone" seriyasına daxil olan bütün modellərin qiymətlərini artırıb. 

Valyuta.az xəbər verir ki, bu barədə "MacRumors" məlumat yayıb.

Nəşrin məlumatına görə, Yaponiyanın "Apple" onlayn mağazasında "iPhone 16", "iPhone 17e", "iPhone 17", "iPhone Air", "iPhone 17 Pro" və "iPhone 17 Pro Max" modellərinin qiymətləri 8-11 faiz aralığında yüksəlib.

Ən çox bahalaşan model "iPhone Air" olub. Onun qiyməti 11,3 faiz artaraq 159 800 yendən 177 800 yenə yüksəlib.

"iPhone 17 Pro Max" modelinin qiyməti 10,3 faiz artaraq 194 800 yendən 214 800 yenə çatıb. "iPhone 17" isə 10 faiz bahalaşaraq 129 800 yendən 142 800 yenə yüksəlib.

"iPhone 17 Pro" modelinin qiyməti 8,3 faiz, "iPhone 16"nın qiyməti 8,7 faiz, "iPhone" 17e modelinin qiyməti isə 8 faiz artıb.

"MacRumors" qeyd edir ki, ötən ay "Apple" dünya üzrə "Mac" kompüterləri və "iPad" planşetlərinin qiymətlərinin artmasını yaddaş mikrosxemlərinin davam edən çatışmazlığı ilə izah etmişdi.

Lakin "iPhone" modellərinin Yaponiyada bahalaşmasının böyük ehtimalla son bir il ərzində yapon yeni valyutasının ABŞ dollarına nisbətdə zəifləməsi ilə bağlı olduğu bildirilir. Nəşrin məlumatına görə, ABŞ-da və yoxlanılan digər ölkələrdə "iPhone" modellərinin qiymətləri dəyişməyib.

Paşa Məmmədli