"Amazon"un robotaksisi tüstü səbəbindən çaşdı - "Zoox" 105 avtomobili geri çağırdı

"Amazon"a məxsus avtonom avtomobil şirkəti "Zoox" robotaksilərindən birinin güclü tüstü ilə örtülmüş yanğın hadisəsi zamanı düzgün hərəkət edə bilməməsindən sonra 105 avtomobil üçün proqram təminatını yeniləyib.

Valyuta.az xəbər verir ki, iyunun 20-də baş verən hadisə zamanı robotaksi tüstü ilə örtülmüş yanğın ərazisində qəfil əyləc edərək dayanıb. Daha sonra məsafədən idarəetmə operatoru avtomobili təhlükəsiz şəkildə ərazidən uzaqlaşdırıb. Hadisə zamanı avtomobildə sərnişin olmayıb və xəsarət alan qeydə alınmayıb.

Şirkət bildirib ki, proqram yenilənməsi robotaksilərin güclü tüstünü və fövqəladə hadisə yerlərini daha dəqiq müəyyən etməsini təmin edəcək.

Qeyd edək ki, bu, "Zoox"un ilk proqram geri çağırması deyil. Şirkət 2025-ci ildə də qəfil əyləc problemi və yol-nəqliyyat hadisələrindən sonra proqram təminatını yeniləmişdi.