Mərkəzi Bank bu şirkətin vəzifəli şəxsini 10 min manat cərimələdi

Azərbaycan Respublikasının Mərkəzi Bankı tərəfindən aparılan cari nəzarət tədbirləri çərçivəsində “Cinayət yolu ilə əldə edilmiş əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında” qanunvericiliyin tələblərinin pozulması halları müəyyən edilib.

Valyuta.az xəbər verir ki, İnzibati Xətalar Məcəlləsinin 598.1.1-ci, 598.1.2-ci və 598.1.4-cü maddələrinə əsasən, “Eliko” Məhdud Məsuliyyətli Cəmiyyətinin vəzifəli şəxsi Bakı Şəhəri Yasamal Rayon Məhkəməsinin qərarı ilə 10 000 manat məbləğində inzibati cəriməyə məruz qalıb.

Qeyd edək ki, həmin şəxs bu il ərzində müxtəlif səbəblərlə ümumilikdə beş dəfə inzibati qaydada cərimələnib.