Əmlak sığortası üzrə ödənişlər 22% azalıb

Bu ilin yanvar ayında əmlak sığortası üzrə 25 milyon 995 min manat sığorta haqqı toplanıb.

Valyuta.az xəbər verir ki, bu göstərici ötən ilin eyni dövrü ilə müqayisədə 493 min manat və ya 1,93% çoxdur. Ötən ilin yanvar ayında əmlak sığortası üzrə 25 milyon 502 min manat sığorta haqqı toplanmışdı.

Hesabat dövründə əmlak sığortası üzrə ödənişlər 2 milyon 649 min manat təşkil edib. Bu, ötən ilin eyni ayı ilə müqayisədə 762 min manat və ya 22,33% azalma deməkdir.

Qeyd edək ki, ötən ilin yanvar ayında əmlak sığortası üzrə 3 milyon 411 min manat ödəniş həyata keçirilmişdi.

Tənzilə Ağabalayeva