Azərbaycan İrandan bu məhsulu 2 manata, Almaniyadan 49 manata alıb

Azərbaycan 2025-ci ildə xarici ölkələrdən ümumilikdə 5,35 ton yoqurt idxal edib.

Valyuta.az xəbər verir ki, idxalın ümumi dəyəri 24,03 min ABŞ dolları təşkil edib.

Ən çox idxal İran İslam Respublikasından həyata keçirilib. Bu ölkədən 3,4 ton yoqurt gətirilib və bunun dəyəri 4,42 min ABŞ dolları olub. Beləliklə, İran mənşəli yoqurtun 1 kiloqramı orta hesabla 1,3 ABŞ dolları və ya 2,21 manat təşkil edib.

Belçikadan isə 1,58 ton yoqurt idxal olunub. Bu məhsulların ümumi dəyəri 15,96 min ABŞ dolları olub. 1 kiloqramın orta qiyməti 10,10 ABŞ dolları və ya 17,17 manat təşkil edib.

İtaliyadan gətirilən yoqurtun həcmi 0,33 ton, dəyəri isə 2,48 min ABŞ dolları olub. Bu halda 1 kiloqramın qiyməti orta hesabla 7,51 ABŞ dolları və ya 12,77 manat təşkil edib.

Almaniyadan isə cəmi 0,04 ton yoqurt idxal edilib və bunun dəyəri 1,16 min ABŞ dolları olub. Almaniya mənşəli yoqurtun 1 kiloqramı orta hesabla 29 ABŞ dolları və ya 49,3 manat təşkil edib ki, bu da ən yüksək qiymət göstəricisidir.

Beləliklə, idxal olunan yoqurtların qiymətində ölkələr üzrə ciddi fərq müşahidə olunur.

Sərvanə Rəmixanova